جو قطرہ آنکھ سے ٹپکے
Poet: فہیم اسلم By: فہیم اسلم, Lahoreجو قطرہ آنکھ سے ٹپکے
سبب اسکا ندامت ہو
تو قطرہ ایک توبہ ہے
حسرت ہو اگر باعث
قطرے کے ٹپکنے کا
تو قطرہ التجا ہے پھر
مکمل اک دعا ہے پھر
خوشی سے گر جو نکلے تو
ہے قطرہ نفلِ شکرانہ
وہ قطرہ ایک سجدہ ہے
وہ قطرہ دل کا نزرانہ
کسی مظلوم کا ٹپکے
اگر اک خون کا قطرہ
خدا کا قہر بن جائے
وہ قطرہ لہر بن جائے
فرعونوں کی تباہی کا
یزیدوں کی ذلالت کا
جو ٹپکے آسماں سے تو
قطرہ ایک رحمت ہے
زمیں کو زندگی بخشے
دریا کو روانی دے
زمیں کو سبز چادر دے
چادر پے بکھیرے رنگ
پھولوں اور بہاروں کے
جو قطرہ سیپ میں ٹپکے
بنے اک قیمتی زیور
وہ قطرہ سانپ میں ٹپکے
تو بن کے زہر ظاہر ہو
جو ٹپکے رحم مادر میں
تو ایک فنکارِ نقاشی
کرے پانی کے قطرے پر
اک بے جان قطرے میں
یک دم جان پڑ جائے
یہ ننھا بے وقعت قطرہ
مکمل داستاں بن جائے
کئی جہتوں میں پنہاں ہے
کہانی ایک قطرے کی
قطرہ ہر کہانی میں
کتنے رنگ بدلتا ہے
میرے مالک میں حیراں ہوں
قطرے کی کہانی پر
کہ قطرہ میں یہ دنیا ہے
یا دنیا ایک قطرہ ہے
کچھ خواب ہمارے تھے، مناسب بھی نہیں تھے
جو لوگ مرے دل کے بہت پاس رہے تھے
حالات کے ہاتھوں سے راغب بھی نہیں تھے
اک شخص کی چاہت نے یہ عالم ہی بدل دیا
ورنہ تو یہ آنسو کبھی غالب بھی نہیں تھے
ہم ترکِ تعلق پہ بھی خاموش رہے یوں
شکوے مرے لہجے کے مراتب بھی نہیں تھے
اس شہرِ محبت میں بڑا شور تھا لیکن
کچھ لوگ محبت کے مطالب بھی نہیں تھے
ہم اپنی وفاؤں کا صلہ ڈھونڈتے کیسے
وہ لوگ تعلق کے مراقب بھی نہیں تھے
دل ٹوٹ گیا پھر بھی دعا دیتے رہے ہم
رشتے مرے نفرت کے مناسب بھی نہیں تھے
وشمہ ترے اشعار میں درد اترا ہے ایسا
الفاظ ترے صرف کا تب بھی نہیں تھے
اس کی قدموں میں مری زندگی آباد رہی
میں نے ہر دور میں لوگوں کو بدلتے دیکھا
ماں ہی ہر حال میں بس میری طرف دار رہی
رات بھر جاگ کے رکھتی تھی مرے سر پہ نظر
اس کی چاہت مری تقدیر کی پہرے دار رہی
اپنی خواہش بھی زمانے کی نظر کر ڈالی
ماں مرے واسطے ہر خواب پہ برباد رہی
جب کبھی ٹوٹ کے بیٹھا میں اندھیروں میں کہیں
ماں کی ممتا مرے احساس کی امداد رہی
بدیعؔ آج بھی سجدوں میں یہی مانگتا ہوں
ماں سلامت رہے، دنیا یہی آباد رہی
میں تحفۂ خدا ہوں، آدم کی وہی پرنور عورت ہوں
میں صبر کی مورت بھی، میں جذبوں کی قیامت بھی
خاموش اگر رہ جاؤں، تو اندر سے قیامت ہوں
میں ماں کی دعاؤں میں، میں بیٹی کی ہنسی میں ہوں
ہر روپ میں چمکتی، میں رحمت کی علامت ہوں
میں عشق کی نرمی بھی، میں حوصلۂ آہن بھی
ٹوٹوں تو سنبھل جاؤں، میں ایسی ہی فطرت ہوں
میں ظلم کے آگے بھی سر جھکا نہیں سکتی
میں حق کی صدا بن کر ہر دور کی جرأت ہوں
میں خود کو اگر پہچانوں تو حد سے گزر جاؤں
میں اپنی ہی دنیا میں اک زندہ حقیقت ہوں
