جہاں جہاں پہ گرا ہے جوان گرم لہو
Poet: wasim ahmad moghal By: wasim ahmad moghal, lahoreجہاں جہاں پہ گرا ہے۔۔۔۔ جوان گرم لہو
گلُاب بن کے کھلاِ ہے ۔۔۔۔جوان گرم لہو
تمہیں خبر نہیں شاید ہماری۔ شہ رگ سے
روِش روِش کو ملاِ ہے۔۔۔۔ جوان گرم لہو
چمن میں پھر کہیں جا کر۔۔۔۔ بہار آئی ہے
کَلی کَلی نے ِپیا ہے ۔۔۔۔۔۔جوان گرم لہو
تیرے َلبوں کی حَسیں مُسکراہٹوں کے لئے
نجانے کتنا بہا ہے۔۔۔۔۔۔ جوان گرم لہو
کتابِ عشق کو دیکھو تو کھول کر۔۔۔۔یارو
سطر سطر پہ لکھا ہے۔۔۔۔۔جوان گرم لہو
دیارِ غم کے اندھیروں میں روشنی کے لئے
چراغ بن کے جلا ہے ۔۔۔۔جوان گرم لہو
جو چاہو ہم کو سزا دو مگر۔۔۔۔۔۔۔ یہ بتلاؤ
وطن کو کس نے دیا ہے ۔۔۔جوان گرم لہو
اُفق بہ تا بہ اُفق ہیں۔۔۔۔۔۔ تجلّیاں اِس کی
چراغِ غارِ حرا ہے ۔۔۔۔۔۔۔جوان گرم لہو
نہ لا سکا ہے کوئی تاب اِس کے۔۔ جلوؤں کی
جو ایک بار جَلا ہے۔۔۔۔۔۔ جوان گرم لہو
ہوا ہے جب کبھی روشن ۔۔۔بفیضِ نُورِ خدا
تو پھر کسی سے بُجھا ہے۔۔۔۔ جوان گرم لہو
جلایا ہےجو سمیّہ ؓنے ۔۔۔۔۔خون سے اپنے
اُسی دیئے کی ضیاء ہے ۔۔۔۔۔جوان گرم لہو
کبھی ہے حمزہؓ کی صورت۔۔ میں جلوہ گر یارو
کبھی یہ شیرِؓ خُدا ہے ۔۔۔۔۔۔جوان گرم لہو
حسین ؓابنِ علی کی ہے ۔۔۔۔عظمتوں کا امیں
نشانِ راہِ بقا ہے ۔۔۔۔۔۔۔۔جوان گرم لہو
یہی تو آہِ رَسا تھا بدر کے ۔۔۔۔۔میداں میں
نبیﷺ کا دستِ دُعا ہے۔۔ جوان گرم لہو
یہ بات حضرتِ جبریل نے ۔۔۔کہی مجھ سے
مقامِ فیض و عَطا ہے ۔۔۔۔۔۔جوان گرم لہو
ہر ایک قطرے پہ ہے اُس کی رَحمتُوں کا نزول
یہ میرے رب کی رَضا ہے۔۔ جوان گرم لہو
کہا فرشتوں سے حق نے سنبھال ۔۔۔کر رکھنا
متاعِ ارض و سما ہے ۔۔۔۔۔۔جوان گرم لہو
فرازِ عرش سے اُونچا مقام ہے۔۔۔۔۔ اِس کا
تمہیں خبر نہیں کیا ہے ۔۔۔۔جوان گرم لہو
بدل تو سکتی ہے تقدیر قوم کی۔۔۔۔ اب بھی
علاج اِس کا سُنا ہے۔۔۔۔۔۔۔ جوان گرم لہو
یہی نشاں ہے زمانے میں زندہ۔۔۔ قوموں کا
ہمیشہ زندہ رہا ہے۔۔۔۔۔۔۔ جوان گرم لہو
نشاں ہمارا زمانے سے مِٹ۔۔۔۔ نہیں سکتا
ہمارے ساتھ رہا ہے ۔۔۔۔۔جوان گرم لہو
ہماری بہنوں کی عصمت کا یہ ۔۔۔محافظ ہے
یہ اُن کے سر کی ردا ہے۔۔۔ جوان گرم لہو
عروسِ لالہ و ُگل کو فروغ ہے۔۔۔ اس سے
چمن کا رنگِ حنا ہے۔۔۔۔۔۔ جوان گرم لہو
ہر اِک جواں کو یہ پیغام میرا ۔۔۔۔۔۔پہنچا دو
معیارِ صدق و وفا ہے ۔۔۔۔۔جوان گرم لہو
اُٹھو تمہیں یہ ببانگِ دُھل۔۔۔۔ پکارتا ہے
ندائے کوہِ صفا ہے ۔۔۔۔۔۔جوان گرم لہو
ہر ایک قطرہ لہو کا زبان ۔۔۔۔۔۔ہے دیکھو
سنو تو بانگِ درا ہے۔۔۔۔۔ جوان گرم لہو
ایوانِ ظلم میں اِک زلزلہ۔۔۔۔ سا آیا ہے
پھر ایک بار اُٹھا ہے۔۔۔۔ جوان گرم لہو
ہزار بار بھی دھو لے وہ ۔۔۔۔آستیں اپنی
بھَلا کسی سے مِٹا ہے۔۔۔۔ جوان گرم لہو
ہر ایک قطرہ شہیدوں کاحشر۔ ساماں ہے
مثالِ روزِ جزا ہے ۔۔۔۔۔جوان گرم لہو
نشیبِ ہستی سے تابہ فراز ِ دار۔۔۔۔ وسیم
کبھی کسی سے جُھکا ہے۔۔ جوان گرم لہو
کسی کی بزمِ ناز سے اٹھا دیئے گئے تو کیا
خلوص کا مزہ گیا، دہی بنا ہے پیار کا
کسی نے کھو دیا کسی کو لا دیئے گئے تو کیا
ہمیں ذرا بھی خوف سا رہا نہیں ہے خار کا
ہٹا دیئے گئے تو کیا، بچھا دیئے گئے تو کیا
ستم تو دیکھیے ہمیں مہک پہ دست رس نہیں
اسیرِ زلفِ یار بھی بنا دیئے گئے تو کیا
ملی حیات کو نجات کل کی تیرگی سے تو
وفا کی راہ میں ہزار ہا دیّے گئے تو کیا
ہمیں کمالِ ضبط بھی عطا کِیا گیا تو ہے
ستم، ستم کے بعد ہم پہ ڈھا دیئے گئے تو کیا
ملی اگر خوشی کبھی لگا کہ بھول سے ملی
تعاقبوں میں اس پہ غم لگا دیئے گئے تو کیا
کبھی تو ایک دن الگ رہے تو زیست بار تھی
نہ تھے جو بیچ فاصلے بڑھا دیئے گئے تو کیا
رشیدؔ رفعتوں میں ہے کوئی جو دیکھتا ہے سب
گئے دنوں کے درد پھر جگا دیئے گئے تو کیا
مگر میرے پاؤں میں بیڑیاں خاندانی حرمت کی ہیں۔
دل کو قفس سے آزاد کرتے ہوئے، میرے ستمگر کو یہ خیال نہ رہا،
کہ شاید دل میں محبت کی رمق اب بھی باقی ہے۔
میرے بیزارِ محبت کو گمان ہے میرے دل کے کارآمد ہونے پر،
وار اسی لیے وہ کرتا ہے میرے آرامیدہ ہونے پر۔
ہنر ہے میرا کہ میں نے اس کو اب تک سنوار کر رکھا ہے،
ورنہ یہ زخمی و آزردہ دل کب کا مر چکا ہے۔
دل کو اب تک وہ محبت کا فسانہ یاد ہے
وہ گلی وہ شام وہ چہرے وہ ہنسی کے قافلے
آج بھی آنکھوں کو سب کچھ دل کا افسانہ یاد ہے
وقت کی آندھی نے سب نقش مٹا ڈالے مگر
دل کی دیواروں پہ تیرا وہ ٹھکانہ یاد ہے
ہم نے سوچا تھا کہ بھولیں گے تجھے اک دن کبھی
پر ہمیں ہر موڑ پر تیرا بہانہ یاد ہے
کچھ تعلق وقت کے ہاتھوں بچھڑ جاتے ہیں مگر،
دل کو ہر رشتہ، ہر اک گزرا زمانہ یاد ہے
اب بھی تنہائی میں جب چاند نکل آتا ہے
تیری باتوں کا وہ پیارا سا خزانہ یاد ہے
زندگی آگے تو بڑھتی ہی رہی مسعود مگر
دل کو بچپن دل کو وہ گزرا زمانہ یاد ہے
ہر ایک صبح یہاں بن کے سوگ ساتھ رہے گی
چنار شاخ پہ بیٹھا پرندہ بھی سہما ہوا ہے
کہ گولیوں کی صدا اب تو دن کی بات رہے گی
جنازے اٹھتے ہیں، مائیں ہیں پتھرائی ہوئی سی
یہ کس کے نام لکھوں کون سی حیات رہے گی؟
جھیلِ ڈل کا پانی بھی اب سوال کرتا ہے
کہ کتنے خواب ڈبوؤ گے کب یہ گھات رہے گی؟
وہ اسکول بند پڑے ہیں، کتابیں جل رہی ہیں
بتاؤ اے مرے رب نسل کب نجات پائے گی؟
کبھی تو تھا یہ چمن امن کا گہوارہ لیکن
اب اس زمیں پہ فقط آہ کا ثبات رہے گا
لہو سے لکھتے ہیں ہم داستاں کشمیر کی
یہ داستاں نہ سہیںپر یہ کائنات رہے گی
مسعودؔ دردِ وطن کو قلم میں ڈھالتا رہے گا
جب تک لہو میں حرارت ہے یہ صدا ساتھ رہے گی
دل کو مبتلائے غم کر کے مسکرا رہا ہے صنم
