رنج اٹھانے پہ دل تو دکھتا ہے

دل دکھانے پہ دل تو دکھتا ہے
چوٹ کھانے پہ دل تو دکھتا ہے

جسے دکھ ملتا ہے وہ کہتا ہے
رنج اٹھانے پہ دل تو دکھتا ہے

ملنے والے اگر بچھڑنے لگیں
دور جانے پہ دل تو دکھتا ہے

یار جب یار کو پرکھتا ہے
آزمانے پہ دل تو دکھتا ہے

آنسوؤں کا سبب نہیں پوچھو
یوں ستانے پہ دل تو دکھتا ہے

ہم نے دنیا سے دل لگایا ہے
دل لگانے پہ دل تو دکھتا ہے

روتے روتے جہان میں آئے
اور جانے پہ دل تو دکھتا ہے

آخر اس جہان خانہ سے
ایسے جانے پہ دل تو دکھتا ہے

دل سے دل کا حسین سا رشتہ
توڑ جانے پہ دل تو دکھتا ہے

حوصلہ گرچہ جوڑ دیتا ہے
ٹوٹ جانے پہ دل تو دکھتا ہے

عظمٰی اب تک جو نامکمل ہے
اس فسانے پہ دل تو دکھتا ہے