سرگ ہلارے

سانہہ لے کے کیہ کراں گے
نفرت دے بارود دا دھواں
پھپھرے پاڑ دا اے
پءکھ پیاس
معدے دے ویری
کرب دیاں دھپاں
پنڈا ساڑ دیاں
مشینی پنچھی
جس رکھ ول رخ کر دے
اوہ خوف دا بالن بندا
آشا دی ارتھی لئ
صندل کیتھوں
موڈا کوئ کیوں دیوے
دھرتی چوں لہو اگدا
سانہہ لے کے کیہ کراں گے
سانہہ لیندے
اگ دی پوجا کر دے
ایہ وی مندے
ساڈا رب چہوٹھا اے
پر روٹی تاں دیندا اے
اسیں لڑیے اسیں مریے
تینوں کیہ
ہوکے لے اتھرو سٹ
ساڈی دنیا دا ایہو چالا
جا کم کر
پھٹ نہ پا
میں کہنا
ہتھ بنے لک بنے لوکیں
سانہہ لے کیہ کرن گے
روٹی دا پنجرا
ایتھوں دی لوکائ لئ
بہشت ہلارا اے