سناؤں کیسے اپنی داستاں کو

Poetوشمہ خان وشمہ Submitted byوشمہ خان وشمہ
Text size

سناؤں کیسے اپنی داستاں کو
ہزاروں غم لگے ہیں ایک جاں کو

کروں کیا لے کے ایسی زندگانی
لگا دو آگ ایسے گلستاں کو

غم دوراں کہاں دیتا ہے فرصت
کروں تعمیر پھرمیں آشیاں کو

جہاں ہنسنے کو ترسیں غنچہ و گل
بنالوں دوست پہلے آسماں کو

ہے شامل اس میں موجوں کی روانی
کوئی روکے گا کیا اردو زباں کو

وشمہ اک بار بھی مڑکر نہ دیکھا
بہت آواز دی عمر رواں کو

Related tags on Parveen Shakir poetry

Copied