سہیلی ہوں

کوئی میرا ہو نہ ہو میں تو سب کی سہہیلی ہوں
سب کا ساتھ نبھاتی ہوں میں پھر بھی اکیلی ہوں

محنت سے نہیں گھبراتی ،کام ہی کئے جاتی ہوں
تھک جاؤں تو گیتوں سے کچھ پل دل بہلاتی ہوں

تازہ دم ہو کہ پھر سے کسی کام میں لگ جاتی ہوں
کوئی مجھ سے روٹھے تو خود اسے منانے جاتی ہوں

میں روٹھوں تو ایک ہی پل میں خود ہی مان جاتی ہوں
کوئی میرا دل دکھائے تو میں دل کی آس بندھاتی ہوں

کوئی مجھے رلائے تو رلائے میں تو سب کو ہنساتی ہوں
کوئی مجھے بلائے نہ بلائے پر میں تو سب کو بلاتی ہوں

کوئی میرا ہو نہ ہو میں تو سب کی سہیلی ہوں
سب کا ساتھ نبھاتی ہوں میں پھر بھی اکیلی ہوں