میں آئینے کے منہ تو کھبی

میں آئینے کے منہ تو کھبی بھی نہیں لگی
اچھی نہیں لگی تو بری بھی نہیں لگی
‏
دو چار سال گزرے ہوئے مجھ کو دے سکے
یہ زندگی تو اتنی سخی بھی نہیں لگی
‏
پھر کیا علاج_ درد_ تمنا کرو گے تم ؟
تم کو تو میرے دل کی لگی بھی نہیں لگی
‏
حیرت ہے اس کی اتنی وفاؤں کے باوجود
یہ زیست کی سہیلی بھلی بھی نہیں لگی
‏
سنتی تھی سنگ دل ہے بہت اس کی کج روی
اس کے مزاج میں تو کجی بھی نہیں لگی
‏
حیرت سے اس کے بعد میں پتھرا کے رہ گئی
وہ جا چکا تو اس کی کمی بھی نہیں لگی
‏
روئی ضرور ، آنکھ بھی پونچھی مگر یہ کیا ؟
میری ہتھیلیوں میں نمی بھی نہیں لگی