کیسے لُٹا یہ شہرِ وفا کچھ نہ پوچھیئے
Poet: wasim ahmad moghal By: wasim ahmad moghal, lahore کیسے لُٹا یہ شہرِ وفا ۔۔۔۔۔۔۔۔۔۔۔کچھ نہ پوچھیئے
کس کس نے کی ہے ہم سےجفا۔۔۔ کچھ نہ پو چھیئے
گل گلوں کے رنگ اور۔۔۔۔۔۔۔ خوشبُو کا کیا ہوا
کیا کہہ رہی ہے بادِ صبا ۔۔۔۔۔۔۔کچھ نہ پوچھیئے
تُو بھی اگرنہ ساتھ دے میرا ۔۔۔۔۔تو جان ِمن
کیسے کٹے گا سفرِ بلا۔۔۔۔۔۔۔۔۔۔کچھ نہ پوچھیئے
جب راہبرہی لوُٹنے کی ٹھان لیں۔۔۔۔۔۔ توپھر
پھر ہے ہمارا کون بھلا ۔۔۔۔۔۔۔۔کچھ نہ پوچھیئے
آنکھوں کی نیند دل کا سکوں چھِن گیا۔۔۔۔ تمام
کس نے مرا یہ حال کیا ۔۔۔۔۔۔۔کچھ نہ پوچھیئے
آیا ہے کون درد کی وادی میں۔۔۔۔۔۔۔۔ دیکھنا
کیوں ہو رہا ہے حشر بپا ۔۔۔۔۔۔۔۔کچھ نہ پوچھیئے
آتاہے حرف اُن کی عدالت پہ ۔۔۔۔۔۔۔دوستو
کس جُرم کی ملی ہے سزا ۔۔۔۔۔۔۔کچھ نہ پوچھیئے
سُرخی ہے کس کے خون کی۔۔۔۔۔ کچھ تو بتایئے
اِک مہرباں نے مجھ کہا ۔۔۔۔۔۔۔کچھ نہ پوچھیئے
سب جانتے ہیں قاتل و مقتول۔۔۔۔۔ ۔کون ہیں
پر آ رہی ہے ایک صدا ۔۔۔۔۔۔۔کچھ نہ پوچھیئے
چمکا رہے ہیں لوگ ابھی تک۔۔۔۔۔۔۔ سیاستیں
دیکھو تو کتنا خون بہا ۔۔۔۔۔۔۔۔۔کچھ نہ پوچھیئے
سب کے دیے تَو بجھ گئے ہیں۔۔۔۔ اپنےشہر میں
کیوں جل رہا ہے ایک دیا ۔۔۔۔۔کچھ نہ پوچھیئے
کس کس کا خوف ہم پہ مسلّط نہیں۔۔۔۔۔ یہاں
کیوں کر نہیں ہے خوفِ خُدا ۔۔۔۔کچھ نہ پوچھیئے
نفرت کی آگ کھا گئی کتنی ہی ۔۔۔۔۔۔۔بستیاں
پھر ظلم کی چلی جو ہوا ۔۔۔۔۔۔۔۔کچھ نہ پوچھیئے
اب رو رہیں ظالم و مظلوم ۔۔۔۔۔۔۔۔بیٹھ کر
گزری ہے جو بھی بہرِ خدا۔۔۔۔۔کچھ نہ پوچھیئے
اِس سے تو موت ہی کہیں بہتر تھی ۔۔اے حضور
غیرت کا جب جنازہ اُٹھا ۔۔۔۔۔۔کچھ نہ پوچھیئے
آیا ہے کون زخموں کی چادر ۔۔۔۔۔لئے ہؤے
گل کر رہے ہیں چاک قبا ۔۔۔۔۔کچھ نہ پوچھیئے
ہم نے تو ساری دنیا کو دینی تھی۔۔۔۔۔۔ روشنی
اپنا چراغ کیسے بُجھا ۔۔۔۔۔۔۔۔۔کچھ نہ پوچھیئے
بارود کے اِک ڈھیر پر بیٹھیں ہؤے۔۔۔۔ ہیں ہم
کب دے گا کوئی آگ لگا ۔۔۔۔۔۔کچھ نہ پوچھیئے
دور فلک میں ڈوبتے تاروں ۔۔۔۔کے ساتھ ساتھ
اب کے دل بھی ڈوب گیا ۔۔۔۔۔کچھ نہ پوچھیئے
اُس شوخ نے اُچٹتی ہوئی اِک۔۔۔۔۔۔۔ نگاہ سے
کیا کیا نہ ہم کو ُلوٹ لیا ۔۔۔۔۔۔۔۔کچھ نہ پوچھیئے
آیا ہے اب کہ موسمِ گل ہجر میں۔۔۔۔۔۔۔ وسیم
کیا کیا یہاں پہ گل نہ کھلا ۔۔۔۔۔۔۔کچھ نہ پوچھیئے
کسی کی بزمِ ناز سے اٹھا دیئے گئے تو کیا
خلوص کا مزہ گیا، دہی بنا ہے پیار کا
کسی نے کھو دیا کسی کو لا دیئے گئے تو کیا
ہمیں ذرا بھی خوف سا رہا نہیں ہے خار کا
ہٹا دیئے گئے تو کیا، بچھا دیئے گئے تو کیا
ستم تو دیکھیے ہمیں مہک پہ دست رس نہیں
اسیرِ زلفِ یار بھی بنا دیئے گئے تو کیا
ملی حیات کو نجات کل کی تیرگی سے تو
وفا کی راہ میں ہزار ہا دیّے گئے تو کیا
ہمیں کمالِ ضبط بھی عطا کِیا گیا تو ہے
ستم، ستم کے بعد ہم پہ ڈھا دیئے گئے تو کیا
ملی اگر خوشی کبھی لگا کہ بھول سے ملی
تعاقبوں میں اس پہ غم لگا دیئے گئے تو کیا
کبھی تو ایک دن الگ رہے تو زیست بار تھی
نہ تھے جو بیچ فاصلے بڑھا دیئے گئے تو کیا
رشیدؔ رفعتوں میں ہے کوئی جو دیکھتا ہے سب
گئے دنوں کے درد پھر جگا دیئے گئے تو کیا
مگر میرے پاؤں میں بیڑیاں خاندانی حرمت کی ہیں۔
دل کو قفس سے آزاد کرتے ہوئے، میرے ستمگر کو یہ خیال نہ رہا،
کہ شاید دل میں محبت کی رمق اب بھی باقی ہے۔
میرے بیزارِ محبت کو گمان ہے میرے دل کے کارآمد ہونے پر،
وار اسی لیے وہ کرتا ہے میرے آرامیدہ ہونے پر۔
ہنر ہے میرا کہ میں نے اس کو اب تک سنوار کر رکھا ہے،
ورنہ یہ زخمی و آزردہ دل کب کا مر چکا ہے۔
دل کو اب تک وہ محبت کا فسانہ یاد ہے
وہ گلی وہ شام وہ چہرے وہ ہنسی کے قافلے
آج بھی آنکھوں کو سب کچھ دل کا افسانہ یاد ہے
وقت کی آندھی نے سب نقش مٹا ڈالے مگر
دل کی دیواروں پہ تیرا وہ ٹھکانہ یاد ہے
ہم نے سوچا تھا کہ بھولیں گے تجھے اک دن کبھی
پر ہمیں ہر موڑ پر تیرا بہانہ یاد ہے
کچھ تعلق وقت کے ہاتھوں بچھڑ جاتے ہیں مگر،
دل کو ہر رشتہ، ہر اک گزرا زمانہ یاد ہے
اب بھی تنہائی میں جب چاند نکل آتا ہے
تیری باتوں کا وہ پیارا سا خزانہ یاد ہے
زندگی آگے تو بڑھتی ہی رہی مسعود مگر
دل کو بچپن دل کو وہ گزرا زمانہ یاد ہے
ہر ایک صبح یہاں بن کے سوگ ساتھ رہے گی
چنار شاخ پہ بیٹھا پرندہ بھی سہما ہوا ہے
کہ گولیوں کی صدا اب تو دن کی بات رہے گی
جنازے اٹھتے ہیں، مائیں ہیں پتھرائی ہوئی سی
یہ کس کے نام لکھوں کون سی حیات رہے گی؟
جھیلِ ڈل کا پانی بھی اب سوال کرتا ہے
کہ کتنے خواب ڈبوؤ گے کب یہ گھات رہے گی؟
وہ اسکول بند پڑے ہیں، کتابیں جل رہی ہیں
بتاؤ اے مرے رب نسل کب نجات پائے گی؟
کبھی تو تھا یہ چمن امن کا گہوارہ لیکن
اب اس زمیں پہ فقط آہ کا ثبات رہے گا
لہو سے لکھتے ہیں ہم داستاں کشمیر کی
یہ داستاں نہ سہیںپر یہ کائنات رہے گی
مسعودؔ دردِ وطن کو قلم میں ڈھالتا رہے گا
جب تک لہو میں حرارت ہے یہ صدا ساتھ رہے گی
دل کو مبتلائے غم کر کے مسکرا رہا ہے صنم
