یقین کا سورج

چھوڑو نہ اس نیند کو دیکھو تو نکلتے سورج کو
ؓؓبھلادو نہ گذری باتوں کو
دیکھو نہ اس نئے دن کو
مٹادو نہ ماضی کے سخت لہجوں کو
کیا رکھا بھلا اس بجھی بجھی سی راکھ میں

جگادو نہ اپنے مردہ دل کو
سمجھاؤ، سجا لو پھر سے اک نئی منزل کی اور
دیکھو نہ نکلتا سورج دکھا رہا ہے اک نئی راہ
دیکھو نہ نکلتی اس کی شعاعوں کو
جو دھو رہی ہیں دل کے داغوں کو
جوڑ رہی ہیں بوسیدہ شکستہ دلوں کو

زندگی جو جلتی موم بتی کی طرح پگھل رہی ہے
خزاں رسیدہ پتوں کی ما نند بکھر رہی ہے
بچا لو وقت ہے اب بھی سمیٹ لو
ہمت پکڑ لو
خدا تمہارے ساتھ ہے
ذرا اک بار یقین تو کرلو