جب کوئی اور مل گیا رشتہ بدل گیا

 جب کوئی اور مل گیا رشتہ بدل گیا
اب اسکے بات کرنے کا لہجہ بدل گیا

اب میرے پیار کا نشہ چڑھتا نہیں اسے
لگتا ہے میرے یار کا نششا بدل گیا

کل تک تو دیکھتا تھا بڑے پیار سے مجھے
پر آج دیکھنے کا طریقہ بدل گیا

پہلے تو مل بھی جاتا تھا رستے میں بارہا
پھر اسکے آنے جانے کا رستہ بدل گیا

دنیا نے مجھکو رنگ دکھاۓ ہیں بیشمار
میں کیا بتاؤں دوستوں کیا کیا بدل گیا

وشمہ عجیب ہو گیا ماحول آج کل
دنیامیں ہر بشر کا عقیدہ بدل گیا