Aaj Barson Mein To Qismat Se Mulaqat Hui

Aaj Barson Mein To Qismat Se Mulaqat Hui

aap munh pher ke baithe hain ye kya baat hui

ur gai khak-e-dil-o-jaan to wo rone baithe

bastiyan jal gain jab toot ke barsat hui

tum mere sath the jab tak to safar raushan tha

shama jis mor pe chooti hai wahin raat hui

is mohabbat se mila hai wo sitamgar hum se

jitne shikwe na hue utni mudaraat hui

ek lamha tha ajab us ki shanasai ka

kitne nadida zamanon se mulaqat hui

qatl ho jati hai is daur mein dil ki aawaz

mujh pe talwar na tooti ye karamat hui

ganw ke ganw bujhane ko hawa aai thi

mere masum charaghon se shuruat hui

shaeri pahle rasulon ki dua thi 'qaisar'

aaj is ahd mein ek shoabda-e-zat hui