Aye Tasveer Kuch To Bol

Aye Tasveer Kuch To Bol, Aakhir Kyun Khamosh Hai
De Harkart Apne Labo’n Ko, Mera Dil Behosh Hai

Nazre’n Itezaar Kar Rahi Hain Khwabo’n Ki Dehleez Per
Khwabo’n Ke Sirtarey Bhi Ye Dekh Kar Madhosh Hai

Mahek Aati Hai Mujhe Tere Aanchal Ke Goshey Se
Aaj Kyun Aysa Laga Ke Saanso’n Mein Taazgi Hai

Qareeb Se Jab Dekha Tere Hasee’n Chehre ko
Meri Siyah Zindagi Mein, Ek Ajeeb Si Raushni Hai

Saanse’n Tham Si Gayee Hain, Chu Ke Teri Tasveer Ko
Ungliyo’n Ne Mehsoos Kiya, Surkh Labo’n Mein Hararat Hai

Khwabo’n Ko Haqeeat Banakr Jab Kabhi Sochta Hoon
Kis Khaak Se Taamir Hua Ye Hasee’n Taj Mahel Hai

Kab Hogi Mukammal Aarzoo, Aye Bechain Dil Mere
Ab Dekhna Ye Hai, Us Munsif Ka Faisla Kya Hai

Ghazal Kehna Kisi Husn Per Aasa’n Nahi Hai Shakir
Fikree Samadar Se Lafzon Ke Motee Chunna Hai