Chalo Aj Baat Kertay Hain

Chalo Aj Baat Kertay Hain
Guzray Hoay Kal Ki

Chalo Aj Yad Kertay Hain
Yadain Bikhray Hoay Kal Ki

Is Sey Pehlay K Waqt Guzar Jaay
Is Sey Pehlay K Sham Ho Jaay

Is Sey Pehlay K Shaam Ki Tariki
Hamaray Dilon Per Chaa Jaay

Chalo Aj Iqrar Kertay Hain
Chalo Aj Baat Kertay Hain

Tumhari Be Dharak Hansi Sey
Maira Dil Dharak Jata Tha

Ik Anjana Sa Khof
Mairi Rooh Main Utar Jata Tha

Tumhari Aankhon Ki Chamak
Ik Nai Dastan Sunati Thi

Tumhari Adhori Si Batain
Mujhay Bohat Stati Thin

Chalo Aj Iqrar Kertay Hain
Chalo Aj Baat Kartay Hain

Na Main Badli Na Waqt Badla
Jaga B Aaj Wohi Hai

Janay Kuin Aaj Hamara Sath
Faqt Ik Majbori Hai

Wohi Manzir Wohi Yadain
Wohi Log Wohi Batain

Phir B Janay Kuin Hamaray Beech
Sadion Ki Dori Hai

Tumhain Socha Tumhain Samjha
Tumhain Jana Apna Hi Saya

Phir Janay Kab Kaisay
Palat Gai Waqt Ki Kaya

Phir Tumhara Pas-E-Parda
Chehra Mairay Samnay Aya

Maira Anjana Khof
Mairay Gam Main Badal Aya

Tumhara Wajod Mairay
Samnay Yon Anay Laga

K Mairi Palkon Ki Nami Ko
Anso'on Main Rulanay Laga

Chalo Aj Iqrar Kertay Hain
Chalo Aj Baat Kartay Hain