Ek Paagal Sa Larka Tha

Ek Paagal Sa Larka Tha
Apnay Aap Main Gum Sum Sa
Zakham Milay Tu Bhi Muskata Rehta Tha
Logon Pe Aitbaar Ker K Us Ne Bohat Dhokay Khaay
Jitnay Bhi Dost Milay Sabb Ne Usay Zakham Lagaay
So Sabb Se Door Khawab Nager Main
Us Ne Apni Dunia Basa Li
Apni Jannat,Apna Dozakh,Apnay Log
Apnay Dukh Apnay Aap Se Kehta Tha
Sabb K Dukh Apnay Dukh Samjhta Tha
Sabb Main Apni Khushian Baant'ta Rehta Tha
Us Ki Dunia Main Hawass Ka Ziker Na Tha
Us Ki Dunia Main Dolat Ki Perwa Na Thi
Us Ki Dunia K Khushboo Jesay Log Thay
Us Ki Dunia Main Naferton Ki Hawa Na Thi
Phir Jaanay Us Pagglay Ko Kis Ki Nazer Lagi
Us Ko Bhi Ik Chaand Nager Ki Raani Se
Muhabbat Ho Gayee
Us Ki Apni Dunia,Takht-O-Taaj
Chaahat Aag Main Jall Gay
Us Ki Dunia Ujer Gayee
Us Ne Chanda Raani Ko Paana Chaaha Tu
Us Ki Hasti Bikher Gayee
Zaat Paat K Pujaarion Ne
Jhooti Dunia K Shaahon Ne
Us K Dil Ko
Rooh-O-Jigar Ko
Zakham Zakham Kia
Us Ki Muskaan Chheen Li
Suna Hay Us Ne Muhabbat Per Sabb
Tann Mann Dhann Waar Dia Tha
Raah-E-Wafa Main
Naam-E-Wafa Per
Apna Sabb Kuchh Haar Dia Tha
Per Dunia Ne Us Ko Gham K Siwa Kuch Na Dia
Phir Us Ne Marr Jana Chaaha
Per Mout Na Maani
So Suna Hay Abhi Bhi Kisi Laash Ki Maan'nad Zinda Hay
Abhi Bhi Khokhlay Qehqahay Lagata Hay
Aur Raat Ko Sab Se Chhup Ker Chaand K Sath Mil Ker
Aansoo Bahaata Hay
Suna Hay Aajkal Us Ko Muhabbat Se Nafrat Ho Gayee Hay
Apni Dunia Alag Se Banaanay Ki Soch Raha Hay
Phir Se Apni Dunia Main Jaanay Ki Soch Raha Hay
So Sab Chaahnay Walo Dua Kero
Ye Pagla Sa Larka Jis Ko Jhooti Dunia Ne
Masoom Natt Khtt Larkay Se
Bikhera Toota Aadmi Bana Dia
Jis K Khawab Nager Ko Jala Dia
Phir Se Apni Dunia Basanay Main Kamyab Ho Jay
Apni Masti Main Kho Jay Phir
Chaahat Rog Ko Bhula De
Is Sog Ko Bhula De… Aameen