Khalish Si Mehsus Hoti Hai...

Gham Ke Tufa’n Uthey Hain Seeney Mein Lekin
Hansta Hua Chehra to Zamaane Ke Liye Hai

Kaisi Guzri Zindagi Sab Ne Poocha Mujhe
Sawalo’n Ka Bahana to Kuch Jataane Ke Liye Hai

Zikr Mehfil Mein Hua, Jis Waqt Mere Raqeeb Ka
Logo’n Ki Nafrat to Dil Jalane Ke Liye Hai

Chirago’n Ki Zindagi to Fizao’n Ki Mutthi Mein Hai Lekin
Rukh-e-Tufa’n to Hamein Aazmane Ke Liye Hai

Aankho’n Se Behtey Samandar Mein Ek Tufa’n Sa Hai
Gham-e-Waqt Ki Lehrein to Saahil Se Takrane Ke Liye Hai

Bheegey Mausam Mein Bheegi Aankhein Nazar Nahi Aati
Baarish Ka Sahara to Apna Gham Chupane Ke Liye Hai

Kahi’n Ye Khamoshi Mere Hi Khilaaf Na Ho Jaye
Jurm Ki Fehrist to Mujhe Neecha Dikhane Ke Liye

Khalish Si Mehsus Hoti Hai, Kirdar-e-Shakir Mein
Dil Ki Namurad Aarzu to Kuch Paane Ke Liye Hai