Khushnuma Chehre Ko

Shabnam Ki Taazgi Se Khila Koi Surkh Ghulab Ho
Zulfo’n Ki Badli Se Nikla Koi Mahtaab Ho

Darya-e-Husn Ka Paykar Hai Ye Khubsurat Jabee’n
Seerat Ke Saanchey Se Dhala Koi Haseen Shabab Ho

Raatein To Humne Guzardi Karwat Lete Huey
Palko’n Ki Chadar Mein Saja Koi Khwaab Ho

Aankho’n Mei Behtey Huey Uus Jheel Ki Qasam
Paani Ke Bundo’n Se Uth-tee Koi Mahek Nayaab Ho

Surkh Phulo’n Mein Dhalti in Labo’n Ki Dastan
Nazuk Pankhdiyo’n Ki Koi Be-misal Intekhab Ho

Chandni Noor Uske Nafees Gaalo’n Per Utar Aya Hai
Labo’n Se Ho Na Jaye Gustakhi Wo Dilkash Hijaab Ho

Qalam Ki Siyahi Ruk Ruk Ke Chalti Hai Ulfat Ke Kaghaz Per
Mere Hatho’n Se Likhi Koi Pakeeza Kitab Ho

Aachal Ki Panah Mein Rakhna Hamesha Khushnuma Chehre Ko
Shakir Ki Mohabbat Ka Koi Anmol Khitaab Ho