Na Gavaao Naavak-e-niim-Kash

Na Ga.Gvaao Naavak-E-Niim-Kash, Dil-E-Reza Reza Ga.Gvaa Diyaa
Jo Bache Hain Sang Samet Lo, Tan-E-Daag Daag Lutaa Diyaa

Mere Chaaraagar Ko Naved Ho, Saf-E-Dushmanaan Ko Khabar Karo
Wo Jo Qarz Rakhate The Jaan Par, Wo Hisaab Aaj Chukaa Diyaa

Karo Kaj Jabiin Pe Sar-E-Kafan, Mere Qaatilon Ko Gumaan Na Ho
Ki Guruur-E-Ishq Kaa Baankapan, Pas-E-Marg Hamane Bhulaa Diyaa

Udhar Ek Harf Ki Kushtanii, Yahaan Laakh Uzr Thaa Guftanii
Jo Kahaa To Sun Ke Uraa Diyaa, Jo Likhaa To Par Ke Mitaa Diyaa

Jo Ruke To Koh-E-Garaan The Ham, Jo Chale To Jaan Se Guzar Gaye
Rah-E-Yaar Hamane Qadam Qadam, Tujhe Yaadagaar Banaa Diyaa