Naqash Naam K Meray Mitaanay Ka Sabab!!

Bataa Kuch Tu Mujh Say Bicharrnay Ka Sabab
Diwaar-Ay-Dill Ko U Giraanay Ka Sabab

Aik Lamhay Mein Be-Manzil Kar K
Haq Say Be-Haq Mujhay Thehraanay Ka Sabab

Koi Ilzaam Lagao Koi Wajah-Ay-Nafrat Batao
Kuch Tu Ho Mujhay Roulaanay Ka Sabab

Aadi Haatho'n Ka Apnay Mujhay Banaa Kar
Naqash Naam K Meray Mitaanay Ka Sabab

Tum Say Mansoub Thee Meri Chahat Saari
Tum Nay Dekhaa Nahi Meray Ujarrnay Ka Sabab

Tum U Tu Shamil Thay Meri Rooh Mein
Kaisay Janaa Nahi Meray Bikharnay Ka Sabab

Kitnaa Dushwaar Thaa Bicharr Kar Jeena Tum Say
Tum Pochtay Kabhi Meray Marnay Ka Sabab

Bikhar Jatay Tum Bhi Meri Tarha
Samjh Patay Jo Meray Tarrapnay Ka Sabab

Tum Bhi Chahtay Jo Kisi Ko Meri Tarha
Jaan Letay Had Say Guzarnay Ka Sabab

Zindagi Teray Daaman Mein Rakhaa Kiyaa Hy
Be-Maksid Be-Wajah Mujhay Behlaanay Ka Sabab

Koi Wazeefa Koi Tadbeer Koi Duaa Batao
Koi Tu Nikalay Teray Millnay Ka Sabab

Yeh Udaasi Yeh Be-Chaini Q Hy Amber
Baat Be-Baat Aaj Ansoo Nikalnay Ka Sabab