Naye Kamron Mein Ab Cheezein Purani Kon Rakhta Hai

Naye Kamron Mein Ab Cheezain Purani Kon Rakhta Hai
Parindon K Liye Shehron Mein Pani Kon Rakhta Hai

Kahein Bhi In Dino Meri Tabiat Hi Nahi Lagti
Teri Janib Se Dil Mein Bad Gumani Kon Rakhta Hai

Humain Girti Hoi Deewar Ko Thame Rahe Warna
Saleeqe Se Bazurgo Ki Nishani Kon Rakhta Hai

Yeh Registan Hai Chashma Kahein Se Phoot Sakta Hai
Sharafat Is Sadi Mein Khandani Kon Rakhta Hai

Humhain Bhoole Nahi Ache Bure Din Aaj Tak Warna
Munawer Yad Mazi Ki Kahani Kon Rakhta Hai