Sab Haath Uthao K Mere Mulq Ko Duaon Ki Kami Hai

Kiun Aankhon Mai Behte Howe Ashkon Ki Larhi Hai
Chup Reh Mere Hum Watan Qayamat Ki Garhi Hai

Hota Hai Guman Sa Medan-E-Hashar Ka
Her Ik Musalman Ko Bus Apni Hi Parhi Hai

Mit Jaye Mera Dais Ye Halaat Bana Kar
Atraaf Ki Her Qaum Tamashay Pe Khari Hai

Phir Surkh Surkh Hai Mere Daryaon Ka Pani
Lagta Hai Kahin Khoon Ki Barsaat Pari Hai

In Zalimo Ko Jarh Se Mita De Aye Mere RAB
Sab Haath Uthao K Mere Mulq Ko Duaon Ki Kami Hai