شہید انقلاب
Poet: Ishraq Jamal Ashar Chishti By: Ishraq Jamal Ashar Chishti, Karachi-Pakistanجو اپنی فکر کی کرنوں کی جگمگاہٹ سے
شب سیاہ کے لبادے کو چاک کرتا تھا
جو اپنے عزم و یقیں اور استقامت سے
یزید وقت کی سازش کو چاک کرتا تھا
نکھارتا تھا جو ذہنوں کو فکر و دانش سے
خطائیں بھی وہ بڑے پن سے معاف کرتا تھا
بکھیر کر وہ لٹاتا خزانے حکمت کے
وہ بحرعلم کبھی جو خطاب کرتا تھا
وہ انقلاب کا سورج غروبِ شام ہوا
وفاء خلوص کا وہ عہد تھا تمام ہوا
وطن سے دور شہادت تیرا مقام ہوا
تیرا شعور اے رہبر ہے ہر سو عام ہوا
شہید ہوکے بھی سہرا فتح کا نام ہوا
تیری وفاء کو اے عمران یوں سلام ہوا
نہ روک پائیگی ظلمت تیرے اجالوں کو
شعور و فکر سے روشن تیرے خیالوں کو
تہرے لہو سے ملی انقلاب نو کی نوید
رکھے گا یاد مؤرخ تیرے حوالوں کو
تیرے لہو سے اجالوں کو پھر دوام ملا
حیات بخش دی بجھتے ہوئے چراغوں کو
تیرے لہو سے ملا حوصلے کا درس ہمیں
وفاء کی راہ دکھائی ہے چاہنے والوں کو
جو درس دیتا تھا اس پر عمل بھی کر ڈالا
وفاء طلب سے انوکھا عدل بھی کر ڈالا
جو وقت آیا تو جاں بھی نثار کر دونگا
یہ جملہ خون سے اپنے نقل بھی کر ڈالا
ہمارے ہونٹوں پہ پہلے ہی سسکیاں تھیں فقط
یوں تنہا چھوڑ کر ہم سے شغل بھی کر ڈالا
جس انقلاب کے نغمے تو گنگنا تا تھا
یقیں ہے اسکا ہی رستہ سہل بھی کر ڈالا
جبین وقت کے ماتھے سے ظلم و نفرت کی
کریہہ بدنما سلوٹ کو صاف کرنا ہے
یزید وقت نے ہم پر ستم جو ڈھائے ہیں
اب ہم نے سب ہی کا اس سے حساب کرنا ہے
وہ جس نے خون کے دریا یہاں بہائے ہیں
اسی فرعون کا جینا عذاب کرنا ہے
تیرے لہو کی قسم پاک سرزمیں کو ہمیں
نظام کہنہ کی ظلمت سے پاک کرنا ہے
ہم تو ووٹ مانگیں تو وعدے ہی سناتے ہیں
شہر کے نگہبانوں کی نیتیں نرالی ہیں
چوریاں بھی کرتے ہیں، شور بھی مچاتے ہیں
عدل کے ایوانوں میں کھیل عجب چلتا ہے
فیصلے وہی ہوتے جو جی کو بھاتے ہیں
اہلِ اقتدار آخر کتنے سادہ ہوتے ہیں
اپنی ہی خطاؤں کو دوسروں پہ ڈھاتے ہیں
درسِ صداقتیں سب دیتے ہیں بڑی شان سے
خود مگر ضرورت پر رنگ ہی بدلاتے ہیں
اہلِ علم بیٹھے ہیں بحث کے مناظرے میں
سچ کی بات آئے تو رخ ہی بدل جاتے ہیں
وشمہ اس زمانے کا حال کیا سنائیں ہم
لوگ سچ کی قیمت پر جھوٹ ہی کماتے ہیں
مصلحت کے قلم سے لکھتے ہیں
بندگی کی سند جبیں پر لوگ
خاکِ دیر و حرم سے لکھتے ہیں
وہی اگلے جنم میں لکھّیں گے
جو وہ پچھلے جنم سے لکھتے ہیں
اپنی رودادِ جادہ پیمائی
ہم تو نقشِ قدم سے لکھتے ہیں
آجکل لوگ داستانِ حیات
خامۂ رنج و غم سے لکھتے ہیں
حال دل ہم جو لکھتے ہیں شاعرؔ
فکر و فن کے قلم سے لکھتے ہیں
کون ہے جو ایسے رستے پر جینے کا اقرار کرے
جو بھی سمجھ لے وقت کی سازش لوگوں کو ہشیار کرے
روزن روزن آنکھیں رکھ دے بات پسِ دیوار کرے
قطرہ قطرہ رات گھلی ہے نیند سے ترسی آنکھوں میں
کوئی اٹھے اور گلیوں گلیوں خوابوں کا بیو پار کرے
زندہ ہو تو احساسِ غزل سے جان چھڑانی مشکل ہے
جیسے کوئی ضدی بچہ سونے سے انکار کرے
کچھ نعرے کچھ درسِ بغاوت شہروں کی دیواروں پر
سناّٹا تحریک چلائے ہنگامہ بازار کرے
شاعرِ بغاوت کے گیتوں کی جو آواز ابھرتی ہے
لفظوں میں شعلوں کی لپک ہے لحظہ بھی جھنکار کرے
کوئی صلہ تو سرِ اختیار دینا تھا
اسے بھی زخم کوئی مستعار دینا تھا
اسے کسی نے تو کافر قرار دینا تھا
وہ برگزیدہ شجر لڑ رہا تھا موسم سے
کہ پھولنا تھا اسے برگ و بار دینا تھا
یہ وہ زمین تھی جو آسماں سے اتری تھی
یہ وہ حوالہ تھا جو بار بار دینا تھا
چھپا کے سب سے ہی اپنا نام اور نشاں
سرِ صلیب کوئی اشتہار دینا تھا
کوئی فیصلہ تو سنا دے اے عادل
اسیری میں جینا ہے توہین میری
مجھے دار پر تو چڑھا دے اے عادل
کہاں عدل مجھ کو زمیں پر ملے گا
کوئی راستہ ہی دکھا دے اے عادل
مجھے اگلی تاریخ میں اب خدارا
قیامت کا دن ہی بتا دے اے عادل
وہ مجرم ہے اس کی جگہ ہے کٹہرا
اسے تخت سے تو اٹھا دے اے عادل
رِعایا پہ قانون جو چل رہا ہے
وہی حاکموں پہ چلا دے اے عادل
فقط جو کتابوں میں دم لے رہا ہے
وہ قانون سارا جلا دے اے عادل
کہیں میں نہ اپنی عدالت لگا لوں
مرے مجرموں کو سزا دے اے عادل
وکیلوں کا بکنا عیاں ہو چکا ہے
تو اپنی حقیقت دکھا دے اے عادل
کبھی بھاگ پائیں نہ جس سے یہ غاصب
کوئی جیل ایسی بنا دے اے عادل
جہاں قاتل باعزت اور مظلوم بے سکون یہاں
دلیل اگر سچ ہو، تو جرم بن جاتی ہے
جھوٹ اگر بااثر ہو، قسم کھا لی جاتی ہے
لب سِل گئے، قلم توڑا گیا، حق کی بات ٹھکرائی گئی
پھر بھی انصاف کے مندر میں، رام کہانی سنائی گئی
کمرہ عدالت میں منصف تو تھا مگر انصاف نہ تھا
ایک اسٹیج تھا ایک اسکرپٹ تھا ڈر کا تماشا تھا
فیصلے طے تھے پہلے سے فیصلہ ساز بعد میں آیا
سچ کے گواہ مر گئے اور جھوٹا گواہی لے آیا
کیا یاد ہے وہ شخص؟ جو حرفِ حق کہتا تھا
آج اس کا سایہ بھی قید ہے وہ خود کیا کہتا تھا؟
یہ نظام، یہ دربار، یہ نیلامی کا موسم ہے
وہ بازار ہے جہاں سچ کی بولی لگتی ہر دم ہے
مگر سن لو...
اندھوں کی عدالتیں رہتی نہیں قائم ہمیشہ
اندھیرا حد سے بڑھے ضرور سورج چمکتا ہے وہاں
وہ جو سچ ہے وہ اک دن لوٹ کر آئے گا
جو فیصلہ ظالم نے دیا — وقت اُسے مٹائے گا
