Sadiyon Ka Faasila

Aik Hi Chhat Talay Sadiyon Ka Faasila Dekha
Hirs Ki Rassiyon Main Her Koi Jhakra Dekha

Her Koi Waqt Ke Sehraaon Main Hai Sargardaan
Chaand Ke Paaon Main Bhi Main Ne Aabla Dekha

Hanooz Ik Gona Kafiyyat Main Giraftaar Hai Qais
Ye Ajal Dekhi Ya Uss Ne Rukh E Laila Dekha

Sach Keh Ker Jo Nazar Daali Doston Ki Taraf
Sab Ke Haathon Main Ik Ik Zehr Ka Pyaala Dekha

Aur Phir Yoon Huwa Keh Saaray Zabt Toot Gay
Chaandni Raat Main Uss Ne Mujhay Tanha Dekha