Wo Oojhal Meri Nigahon Se Kahan Rehta Hai
Wo Ashk Ban Kar Ankhon Se Rawan Rehta Hai
Kisi Lamhe Tanha Nai Hone Deti Uski Yaadien
Merey Aangan Main Melay Ka Samaan Rehta Hai
Har Ghari Dil Daricha Khula Rakhte Hain
Har Ghari Uske Aanay Ka Gumaan Rehta Hai
Log Kehte Hain K Zakham Bhar Jatey Hain Aakhir
Zakham To Bhar Jate Hain Per Nishan Rehta Hai
Wo Milay To Sirf Itna Bata Dena Usko
Tujh Bin Tera Pyar Pareshan Rehta Hai