Ujre Howay Logon Se Gurezan Na Howa Kar

Ujre Howay Logon Se Gurezan Na Howa Kar
Halaat Ki Qabron Ke Ye Qatbe Bhi Parha Kar

Wo Aaj Bhi Sadiyon Ki Musafat Pe Khara Hai
Dhoondha Tha Jise Waqt Ki Deewar Gira Kar

Har Waqt Ka Hansna Tujhe Barbad Na Kar De
Tanhai Ke Lamhon Mein Kabhi Ro Bhi Liya Kar

Aye Dil Tujhe Dushman Ki Pehchan Kahan Hai
To Halka_E_Yaran Mein Bhi Mohtaat Raha Kar

Is Shab Ke Muqadar Mein Sehar Hi Nahi MOHSIN
Dekha Hai Kai Baar Charaghon Ko Bujha Kar