Ya Ilahi Tery Siwa Kisi ka Asra Nahi

Ya Ilahi Tery Siwa Kisi Ka Asra Nahi
Tu Hi Hai Sabsy Bara Tujhsy Koi Bara Nahi

Tery Nam Sy Jo Shuru Na Ho, Kam Kabhi Bana Nahi
Jis Py Tera Nam Liya Kam Wo Bigra Nahi

Tu Hi Khaliq Tu Hi Malik Tu Hi Raziq Tu Raheem
Tu Samad Hai Tu Ahad Hai Koi Bhi Tujh Sa Nahi

Jo Teri Raah Par Na Chaly Jity Ji Wo Mar Gaya
Jo Teri Raah Men Jan Day Wo Kabhi Marta Nahi

Sherag Sy Zyada Tu Hai Mola Apny Bando Ky Qarib
Men Hi Kam Nazar Hoon Jisny Tujhko Kabhi Dekha Nahi