آنسوؤں میں بھی درد ہنستا ہے

خوں كے خلیوں میں درد بستا ہے
آنسوؤں میں بھی درد ہنستا ہے

قلب پیما كی تو جانا ہے
ہر رگِ دل میں درد بستا ہے

ہر رگِ جاں سكڑتی جاتی ہے
درد جب اپنا جال كستا ہے

كیا فشارِ لہو كو سمجھے ہیں
درد بس رفعتوں پہ اٹھتا ہے

جاں كی قیمت پہ ہم نے پایا ہے
كون كہتا ہے درد سستا ہے

ہر كسی پر كہاں یہ زیبا ہے
دردمندوں پہ درد جچتا ہے

شہر ِدل میں كہاں بسائیں انہیں
چپّے چپّے پہ درد بستا ہے

وقتِ تخلیق مجھ سے فرمایا
تیرے چہرے پہ درد جچتا ہے

حكمتِ كار ہا ئے عالم میں
درد ہی ہر طرف جھلكتا ہے

گلشنِ جاں كی ہرروش میں مسعود
درد پھولوں كے ساتھ سجتا ہے