اپنے ہاتھوں پہ ترا نام لکھوں یا نہ لکھوں

اپنے ہاتھوں پہ ترا نام لکھوں یا نہ لکھوں
اپنے سر پیار کا اِلزام لکھوں یا نہ لکھوں

ایسی اک شام کہ جس شام کو دیکھا تھا تجھے
میں وہی تذکرۂ شام لکھوں یا نہ لکھوں

جس کے ہر زخم نے چھینا تھا مِرا چین و سکوں
اپنی وہ شہرتِ گمنام لکھوں یا نہ لکھوں

موجیں آتی ہیں تری یاد کی دستک دینے
پانیوں پر کویٔ پیغام لکھوں یا نہ لکھوں

جس نے آنکھوں میں جگاۓ تھے نیۓ رنگ کییٔ
اس حسیں صبح کا انجام لکھوں یا نہ لکھوں

کتنی دِلکش تیری باتیں ہیں کہوں یا نہ کہوں
کتنا پیارا ہے ترا نام لکھوں یا نہ لکھوں

زندگانی میں نییٔ صبح کا آغاز ہوا
دور دِل سے ہوۓ اوہام لکھوں یا نہ لکھوں