اک بار اگر خواب میں آ جاؤ مسافر
Poet: امید خواجہ By: امید خواجہ, 1e Exloermondاک بار اگر خواب میں آ جاؤ مسافر
یادوں کا کنول آ کے کھلا جاؤ مسافر
کس قدر تمہیں انس تھا غزلوں سے اے جاناں
آ جاؤ کوئی قطعہ سنا جاؤ مسافر
ہر مصرعۂ ثانی پہ نئی گرہ لگانی
یہ آمد و آوُرد بتا جاؤ مسافر
اچھا تھا وہی دور جو ہم تم نے گزارا
پھر اس کو سبک سار بنا جاؤ مسافر
بیتی ہوئی یادوں نے ہمیشہ ہی رلایا
ان یادوں کے آثار مٹا جاؤ مسافر
گزرے ہوئے ادوار تو واپس نہیں آتے
یہ بات مرے دل میں بٹھا جاؤ مسافر
ہر گام پہ جس آخری منزل کا گماں ہے
اس راہ کے اسرار بتا جاؤ مسافر
کیوں کس لئے ویران و پریشان ہو خواجہ
ماضی کے دریچوں میں سما جاؤ مسافر
Rate it: 
Views: 343
18 Apr, 2025
More Friendship Poetry
نہیں قائِل میں وَعدوں کا مگر اِتنا تو جانو تُم نہیں قائِل میں وَعدوں کا مگر اِتنا تو جانو تُم
کہ یاروں کو بھُلایا ہو نِشاں بھی نہیں مِلتا
میں اَپنوں کے لیے ہر درد چُپ رَہ کر ہی سَہتا ہوں
لَبوں پَر آہ کا کوئی اِمکاں بھی نہیں مِلتا
مُحَبَّت کے بہت دَعوے کِیے چہروں نے مِل کر اَب
مگر سچ ہے کہ ان جیسا انساں بھی نہیں ملتا
سَہارا جو بُرے وَقتوں میں لوگوں کا بَنے یارو
زَمانے میں کِسی کو وہ خانداں بھی نہیں ملِتا
میں اَپنے دوست کی خاطِر زَمانے بھَر سے لَڑ جاؤں
مَطلَب پَرَستوں میں یہ اِیماں بھی نہیں ملِتا
جو دِل میں ہے وُہی لَب پَر، نہیں ہے پَردہ کوئی بھی
مِرے کِردار میں جھُوٹوں کا دھِیاں بھی نہیں مِلتا
مظہرؔ یاروں کی چاہَت میں ہمیشہ سَر جھُکاتا ہے
وفاداری کے رَستے میں نُقصاں بھی نہیں مِلتا
کہ یاروں کو بھُلایا ہو نِشاں بھی نہیں مِلتا
میں اَپنوں کے لیے ہر درد چُپ رَہ کر ہی سَہتا ہوں
لَبوں پَر آہ کا کوئی اِمکاں بھی نہیں مِلتا
مُحَبَّت کے بہت دَعوے کِیے چہروں نے مِل کر اَب
مگر سچ ہے کہ ان جیسا انساں بھی نہیں ملتا
سَہارا جو بُرے وَقتوں میں لوگوں کا بَنے یارو
زَمانے میں کِسی کو وہ خانداں بھی نہیں ملِتا
میں اَپنے دوست کی خاطِر زَمانے بھَر سے لَڑ جاؤں
مَطلَب پَرَستوں میں یہ اِیماں بھی نہیں ملِتا
جو دِل میں ہے وُہی لَب پَر، نہیں ہے پَردہ کوئی بھی
مِرے کِردار میں جھُوٹوں کا دھِیاں بھی نہیں مِلتا
مظہرؔ یاروں کی چاہَت میں ہمیشہ سَر جھُکاتا ہے
وفاداری کے رَستے میں نُقصاں بھی نہیں مِلتا
MAZHAR IQBAL GONDAL
