بارود دا تڑکا سی
Poet: maqsood hasni By: maqsood hasni, kasurچٹے گھر دے
وڈھے وسنیکاں نے
امن پرندیاں دی رت نال
اپنے گھر دے بوہے تے
لکھوا چھڈیا اے
امن دے سارے بوہے
ایدھر کھل دے نے
امن ایس گھر دا بندی تے گولا اے
چٹے گھر دے
وڈھے وسنیکاں نے
باہر جان دے رستے رکھے ای نیءں سن
بندی امن تے
اوس گھر وچ کیہ ویتی
کوئ کیہ جانے
خبراں تے سنسر دا پہرہ سی
باہر دیاں فضاواں
مست ہواوں
ممتا دیاں باواں
جمنا دیاں تہواں
پوپ دے بولاں وچہ
ملاں دی جب تے
مجذوب دی دھونی اندر
نفرت دے لمبو سن
بارود دا تڑکا سی
(14 aguest 1992)
Rate it: 
Views: 346
09 Dec, 2013
More Life Poetry
