بردان

تم آرہے ہو
اس خبر کے
میں صدقے میں واری
میرا دل تمہارا
میری جان تمہاری
دل کی کلیاں
میرے شوق کے
کھلتے گلاب سارے
روح کی قوس قزاح کے رنگ
میری سانسوں کے رباب و چنگ
تیرے قدموں میں بکھرنے کو
دہلیز پر بیٹھی بے قرار آنکھیں
ترے قدموں پر
اشکوں کے مروارید
نچھاور کرنے کو
ترے منہ کے
الہامی شبدوں کے جادو
میری سماعتوں پر
عشق کے گرنتھ کی تکمیل میں
تیرے آنے کے رستوں کو
برہما کی کرپا کا بردان سمجھیں