بلھے نوں سمجھاونڑ آئیاں، بھینڑاں تے بھرجائیاں

بلھے نوں سمجھاونڑ آئیاں، بھینڑاں تے بھرجائیاں
من لے بلھیا ساڈا کہنڑا، چھڈ دے پلّا رائیاں
آل نبی اولادِ علی نوں، توں کیوں لیکاں لائیاں
جیہڑا سانوں سیّد سدّے، دوزخ ملن سزائیاں
جو کوئی سانوں رائیں آکھے، بہشتیں پینگھاں پائیاں
رائیں سائیں سبھنڑیں تھائیں، رب دیاں بے پروائیاں
سوہنیاں پرے ہٹائیاں نیں تے، کوجِھیاں لے گل لائیاں
جے توں لوڑیں باغ بہاراں، چاکر ہو جا رائیاں
بلھے شوہ دی ذات کی پچھانڑیں، شاکر ہو رضائیاں

بلھے نوں سمجھاونڑ آئیاں، بھینڑاں تے بھرجائیاں