بہار ۔۔۔

مارچ کا مہینہ آیا
اپنے ساتھ بہار کو لایا

دھوپ بھی اچھی نکل رہی ہے
برف بھی ساری پگھل رہی ہے

سارے پرندے چہک رہے ہیں
باغ پھولوں سے مہک رہے ہیں

نئے نئے پتے نکل رہے ہیں
فلک سے موتی پھسل رہے ہیں

تتلیاں رنگ برنگی آئیں
پیاری پیاری چڑیاں آئیں

خوشیاں ہر سو چمک رہی ہیں
کلیاں ہر جا مہک رہی ہیں

خوشبو ہوا میں بکھر رہی ہے
وطن کی صورت نکھر رہی ہے

بچے سارے کھیل رہے ہیں
ایک دوسرے سے میل رہے ہیں

شکر کرو سب اس اللہ کا
جس نے اس بہار کو بھیجا