تیری یاد کے سائے سائے

Poetوشمہ خان وشمہ Submitted byوشمہ خان وشمہ
Text size

 اک عرصہ ہم چلتے آئے
تیری یاد کے سائے سائے

آنکھ کا دامن خالی خالی
جیسے اک ویران سرائے

دل کی دھڑکن تیز بہت ہے
جسم کا برتن ٹوٹ نہ جائے

خود کو کھو کر تجھ کو پایا
تجھ کو کھو کر کیا کوئی پائے

اس کا پنچھی اڑتے اڑتے
آنکھ سے اوجھل ہونا ہائے

وہ جو تجھ کو بھول گیا ہے
اتنا بھی وہ یاد دلائے

جانے کیا وشمہ ہے دل کو
کوئی موسم راس نہ آئے

Related tags on Parveen Shakir poetry

Copied