جھکی نظر سے سلامِ صد شام لکھ رہا ہوں

Poetطالب حسین ثباؔت Submitted byطالب حسین ثباؔت
Text size

جھکی نظر سے سلامِ صد شام لکھ رہا ہوں
غزل مری جاں میں یہ ترے نام لکھ رہا ہوں

لگاؤ سب کو گلے سے ہر اک بھلا کے رنجش
برائے دنیا سکوں کا پیغام لکھ رہا ہوں

کچھ اِس طرح میرے خوابوں کے بن گئے ہو محور
تمھیں ہی میں اپنی ہر سحر، شام لکھ رہا ہوں

نہ رسوا ہو جاؤ تم کہیں، ہے برا زمانہ
ترا چھپا کر میں اِس لیے نام لکھ رہا ہوں

تمھاری تعریف مجھ سے ممکن کہاں ہے دلبر
جو ہوتا ہے میرے دل پہ الہام، لکھ رہا ہوں

ترے علاوہ ثباؔت کچھ بھی نہیں ہے میرا
تمھیں خدا کا عظیم انعام لکھ رہا ہوں

Related tags on Parveen Shakir poetry

More Friendship Poetry

Copied