جی میں آتا تو ہے مر جائیں مگر کیسے مریں

Poet: عبیر By: عبیر, Hyderabad

جی میں آتا تو ہے مر جائیں مگر کیسے مریں
سیکڑوں مشورے ہیں ایسے مریں ایسے مریں

شیشۂ خواب کو دے ماریں کسی پتھر پر
اور اس شور کی جھلائی ہوئی لے سے مریں

عشق میں مرنے کے آداب سے واقف نہیں شہر
دشت اپنائیں کسی ہجر نما شے سے مریں

ان کو اس جشن میں آنے کا کوئی شوق نہیں
آپ کی مرضی ہے جب چاہیں جہاں جیسے مریں

ہم کو تو نشۂ آزار فنا کی ہے طلب
ایسے غم کب ہیں ہمیں جو قدح مے سے مریں

Rate it:
Views: 2
16 Nov, 2026
More Safeer Siddiqui Poetry