حاکم شہر بہت پریشان

حالات یہ کیسے موڑ پر آج لے آئے ہیں
ہم بیوفا نہیں مگر سر کو جھکائے ہیں

اتنی بڑی دنیا میں جب تمہیں دوست بنایا
ایسا لگا کہ ساتھ کئی غم بھی اپنائے ہیں

اک تم ہی تو نہیں برباد الفت کی راہ میں
دوستی نے یہ زخم ہمیں بھی لگائے ہیں

حاکم شہر بہت پریشان دکھائی دیتا ہے
لوگوں نے آج ہاتھوں میں پتھر اٹھائے ہیں

تم آج جس کی پیروی میں رہتے ہو نازاں
تہذیب کے یہ درس ہم ہی نے سکھلائے ہیں

یقین ہے تو ہم دعائیں مانگ رہے ہیں
دامن میں کئی چھید ہیں لیکن پھیلائے ہیں

شاید کہ تک رہے ہیں ہمیں رنج و الم پھر
مظہر میری آنکھوں میں خواب اتر آئے ہیں