حقیقت کچھ اور خواب اور ہیں

حقیقت کچھ اور خواب اور ہیں
دیکھنے ابھی کتنے عذاب اور ہیں

گزری ہے زندگی سیلابوں میں ساری
دیکھنے ابھی کتنے سیلاب اور ہیں

کھا گئی کتنے ، تیری جادو نگاہی
میرے پاس کیا ، شباب اور ہیں

کیجئے کچھ تو ، ناتوانی کا خیال
مقصود کتنے امتحان جناب اور ہیں

کرتے ہیں جو ، تا حال تیار احترام
پیچھے اس کے ، اسباب اور ہیں

جان چھٹتی نظر آتی نہیں یہاں
نجانے کتنے باقی ، حساب اور ہیں

کس کس کا منہ کراؤ گے بند
مہربان ابھی اور ، احباب اور ہیں

چشم خشک کو میری نہ دیکھئے طاہر
جاری ان میں راوی و چناب اور ہیں