خواہش

اب تو خواہش ہے کہ یہ زخم بھی کھا کر دیکھیں
لمحہ بھر ہی سہی اس کو بھلا کر دیکھیں

شہر میں جشن شب قدر کی ساعت آئی ہے
آج ہم بھی تیرے ملنے کی دعا مانگ کر دیکھیں

آندھیوں سے جو الجھنے کی کسک رکھتے ہیں
اک دیا تیز ہوا میں بھی جلا کر دیکھیں

زندگی اب تجھے سوچیں بھی تو دم گھٹتا ہے
ہم نے چاہا تھا کبھی تجھ سے وفا کر دیکھیں

دیکھنا ہے تو محبت کے عزاداروں کو
ناشناسائی کی دیوار گرا کر دیکھیں

جن کے زروں میں ہوا ہانپ کر سو جاتی ہے
ایسی قبروں پہ کوئی پھول چڑھا کر دیکھیں

رونے والوں کے ہمدرد تو بہت ہیں محسن
ہنستے ہنستے کبھی دنیا کو رلا کر دیکھیں