داستان زندگی

شادی کارڈ مرزا صاحب کو دینے جو گئے رات میں
داستان زندگی سنا ڈالی ہمیں بات ہی بات میں

نظر اُٹھی ان کی جانب پر نہ جانے کیوں جھک گئی
بات زبان تک آئی تو آکر مگر زبان پر تھی رُک گئی

سنتا رہا خاموش میں جو بھی انہوں نے تھا کہا
اپنی داستان زندگی سے کیا یوں انہوں نے آگاہ

جیون ساتھی تو بن گئے ہم پر کبھی نہ ایک ہوئے
نمازی بنے تھے پنج وقتی پر کبھی نہ نیک ہوئے

سارے حق ادا کیے پر پیار نہ ہم سے کیا گیا
کھلا زخم رِستا رہا پر نہ ہم سے تو سیا گیا

کچھ اور نہیں تو چلو اضافہ خاندان ہوا
ہر سال ہمار ے گھر ایک نیا مہمان ہوا

ضروری ہے ضرور کرو میاں! جو رشتہ ازواج ہے
سہارا دو کسی عورت کو کہ مرد کی محتاج ہے

آدمی ہی تلوار ہے یہاں آدمی ہی میان ہے
مشرق ہے یہاں عورت مرد کا سامان ہے

سب سے باتیں کرو مگر تم بیوی سنگ چپ چاپ ہو
بے تکلف خود سے نہ کرو جیسے سخت گیر باپ ہو

میں آج کا نوجوان ہوں الگ ہے میرا فلسفہ
میں نے کہا مختلف ہے میرا آپ کا سلسلہ

میں نماز پڑھنے کے ساتھ نیک بھی ہونا چاہتا ہوں
اپنے جیون ساتھی سنگ ایک بھی ہونا چاہتا ہوں

بدل چکا ہوں آج میں بدلے سب میرے حالات ہیں
مرد ہوں کٹر مشرقی بدلے سب میرے جزبات ہیں

مثل مرزا صاحب بیوی سنگ رہتا اب چپ چاپ ہوں
شادی کے دو سال ہیں گزرے دو بچوں کا باپ ہوں