دعا ہے تجھ سے اے رب کریم

دعا ہے میری تجھ سے اے میرے رب کریم
میں تیرا گنہگار بندہ، تو ہے مالک عظیم

میرے گناہوں کو نہ دیکھ، اپنا فضل کر
میرے جرم ہیں بہت بڑے، اپنا کرم کر

ٹھوکر سے سنبھلتا، کہاں مجھ میں جفا تھی
میری ماں کی دعا تھی، اور تیری ہی عطا تھی

میں گناہوں کے رجسٹر کالے کرتا رہا
پھر بھی تیرا فضل مجھ پہ برستا رہا

میرے گناہوں کو مٹانے کی کیا خوب دوا کی
حج بیت اللہ کی سعادت مجھ کو عطا کی

اے رب کعبہ تو نے اپنے گھر مجھے بلایا
میری قسمت کہ تیرے گھر کو سینے سے لگایا

اپنے سر کو جھکایا، پیشانی کو گرایا
دل میں بسایا، پلکوں پہ سجایا

ہجر اسود کو چومنے کی سعادت بخشی
ماں باپ کے ساتھ مجھے یہ سعادت بخشی

اتنا فضل، مجھ پہ میرے مولا، تیرا فضل
اتنا کرم، مجھ پہ میرے مولا، تیرا کرم

مجھ نادار کی جھولی کو رحمت سے بھر دیا
میرے گناہوں کی گٹھڑی کو خالی کر دیا

میرے مولا! میرے دل کو کرنا اور رکھنا پاک
اس حمد اور دعا کو دکھلاوے سے رکھنا پاک