رات ویران ہے ، دل پریشان ہے

رات ویران ہے ، دل پریشان ہے
وحشتِ دل کا ، پورا ہی سامان ہے

تجھ کو ڈھونڈا بہت، میں نے میرے صنم
ہر گلی ہر ڈگر ، جیسے سنسان ہے

ہر بشر جو ملا ، مجھ کو اس راہ میں
دیکھ کر میری حالت ، وہ حیران ہے

مجھ کو آ واز دے ، اے مری دلربا
تھک کے میں چور ہوں ، جسم ہلکان ہے

پھر جو مل جائے ، تو مجھ کو میرے صنم
مین کہوں شوق سے، تو مری جان ہے

عمر بھر کی وفائوں کا ، یہ ہے صلہ
آ ج تو جان ِ جاں ،مجھ سے انجان ہے

بادلوں سے ڈھکا چاند ، مدھم سا ہے
روشنی کا مگر ، پھر بھی امکان ہے

غلطیاں مجھ سے سرزد، تو بے حد ہوئیں
تیرا محبوب آ خر ، کو انسان ہے

معاف کرتا ہے ، وہ ہر خطا کار کو
اپنے قران میں ، اسکا فرمان ہے

مجھ سے روٹھے رہو، میں محبت کروں
وہ ادا ہے تری ، یہ مری شان ہے

ٹوٹ کر تم کو ،کرتا رہوں پیار میں
یہ تمنا مری ‘ میرا ارمان ہے