قرسم مشکوٰتہ -میری معصوم شہزادی

 اے میری راحت جان اے میری قرسم مشکوتہ
میری آنکھوں کا ستارہ ہے تو قرسم مشکوتہ

تیرے ہونٹوں پہ ہمیشہ ہی تبسم کھیلے
زند گی میں ہو ہمیشہ تیری یہ عیش و نشاط

رب ہر اک غم سے ہر ا ک دکھ سے بچائے تجھ کو
یہ دعا ہے تیری خوشیوں سے ہو بھر پور حیات

علم ہو تجھ کو عطا دونوں جہانوں کا کثیر
تیرے صدقے میں ملے مجھ کو جہنم سے نجات

دین و دنیا کے خزانوں سے غنی رکھے خدا
سب کو گروید ہ بنالیں وہ ملیں تجھ کو صفات

تو اجالوں میں رہے تجھ سے سحر پیار کرے
پاس بھٹکے نہ کبھی تیرے سیاہ غم کی یہ رات

جسم اور روح کی صحت کبھی کمزور نہ ہو
تجھ پہ رحمت رہے سایہ فگن ہر پل ہر ساعت

وہ مقدر ہو تیرا جس پہ جہاں ناز کرے
میرے ہونٹوں پہ دعا ہے یہ اشہر بعد صلوٰتہ