محبت کم نہیں ہو گی

مری آنکھیں سلامت ہیں
مرا دل مرے سینے میں دھرکتا ہے
مجھے محسوس ہو تا ہے
محبت کم نہیں ہو گی

محبت ایک وعدہ ہے
جو سچائی کی ان دیکھی کسی ساعت میں ہوتا ہے
کسی راحت میں ہوتا ہے
یہ وعدہ شاعری بن کر مرے جزبوں میں ڈھلتا ہے
مجھے محسوس ہوتا ہے
محبت کم نہیں ہو گی

محبت ایک موسم ہے
کہ جس میں خواب اُگتے ہیں
تو خوابوں کی ہری شاخیں
گلابوں کو بلاتی ہے
انہیں خوشبو بناتی ہے
یہ خوشبو جب ہماری کھڑکیوں پر دستک دے کر
گزرتی ہے
مجھےمحسوس ہو تا ہے
محبت کم نہیں ہو گی