مٹ گیا سارا زندگی کا شوق
Poet: Khalid Roomi By: Khalid Roomi, Rawalpindiمٹ گیا سارا زندگی کا شوق
کیا کروں اب میں اس گلی کا شوق
ہو گیا اس کو بیخودی کا شوق
تھا جسے بھی یہ دل لگی کا شوق
آدمی کو ہوا کجی کا شوق
مٹ گیا بندہ پروری کا شوق
جاں چھڑاتے ہیں لوگ محنت سے
پر سبھی کو ہے برتری کا شوق
دل چڑھا بھینٹ اس زمانے کی
گیا ہے تیری دوستی کا شوق
دیکھ اس راہ میں سنبھل کے چل
نہیں اچھا یہ ہر گھڑی کا شوق
مسکرا کے بھی کوئی بات کرو
نا مناسب ہے بے رخی کا شوق
سوز دل کے طفیل ہم کو ملا
روز و شب شعر و شاعری کا شوق
اب یہ رونا، نصیب ہے رومی
تھا تمہیں جو بہت ہنسی کا شوق
Rate it: 
Views: 619
19 Nov, 2009
More Life Poetry
ہر کام کا وقت مقرر ہے ہر کام کو وقت پہ ہونا ہے ہر کام کا وقت مقرر ہے ہر کام کو وقت پہ ہونا ہے
کس بات کی آخر جلدی ہے کس بات کا پھر یہ رونا ہے
دنیا کے مصائب جھیلنے کو مالک نے بنایا ہے جیون
آرام بھلا پھر کاہے کا پھر کاہے یہ سونا ہے
بے مقصد جینا کہتے ہیں حیوان کے جیسا جینے کو
انساں کے لیے تو یہ جیون یارو پر خار بچھونا ہے
دشوار سہی رستہ لیکن چلنا ہے ہمیں منزل کی طرف
منزل کی طلب میں عاکفؔ جی کچھ پانا ہے کچھ کھونا ہے
کس بات کی آخر جلدی ہے کس بات کا پھر یہ رونا ہے
دنیا کے مصائب جھیلنے کو مالک نے بنایا ہے جیون
آرام بھلا پھر کاہے کا پھر کاہے یہ سونا ہے
بے مقصد جینا کہتے ہیں حیوان کے جیسا جینے کو
انساں کے لیے تو یہ جیون یارو پر خار بچھونا ہے
دشوار سہی رستہ لیکن چلنا ہے ہمیں منزل کی طرف
منزل کی طلب میں عاکفؔ جی کچھ پانا ہے کچھ کھونا ہے
اسلم
