میرے بھوکے ننگے کردار

میرے بھوکے ننگے کرداروں نے
تمہارے باغ کے خوش رنگ پھولوں میں
اپنے چہرے کے کھوئے ہوئے رنگ پہچان لئے ہیں
بپھری ہوئی یہ سمندر کی لہریں چاند کے ایک اشارے کی منتظر ہیں
چند لمحوں بعد چاند جب آسمان پر آئے گا تب میں ایک نئی کہانی لکھوں گی
اس بار سمندر نے وعدہ کیا ہے کہ وہ ہر لہر کو ہیرے موتیوں سے بھر دے گا
میرے بھوکے ننگے کرداروں کے چہرے پر زندگی چمک اٹھے گی
اب ان کے سروں پر ہیرے موتی کے تاج ہوں گے