وقت کی پابندی ۔۔۔ (نظم)

اے پیارے بچو! مسلمان ہو تم
لازم ہے کہ وقت کے پابند بنو تم

نماز ہم کو وقت کی پابندی ہے سکھاتی
بہتر بندگی کے سب گُر ہے یہ بتاتی

صبح سویرے اٹھنا صحت مند کرے گا
پابند وقت کا بچہ ، بڑا آدمی بنے گا

ہر کام وقت پہ کرکے مشکل سے تم بچو گے
سستی اگر کرو گے مشکل میں تم پڑو گے

ہر کام وقت پہ کرنا ہے سب سے اچھی عادت
نیت بھی نیک رکھو بن جائے گی عبادت

اللہ کا حکم مانو ہرگز نہ اس کو ٹالو
ہر کام وقت پہ کرکے منزل کو تم بھی پا لو

سب بے وقوف بچے ہیں وقت کو ضائع کرتے
اس بات سے ڈرو کہ وقت تم کو ضائع کردے