وہ جسکو لکھتے تھے جان سے پیارے جیسا

وہ جسکو لکھتے تھے جان سے پیارے جیسا
دور وہ ایسا ہوا ہے کہ ستارے جیسا

اس کہانی میں کہیں تم تو نہیں ہو لیکن
ہے کہانی میں کوئی اور تمہارے جیسا

جہاں ملنا تھا وہاں تم سے بچھڑنا پڑا ہے
عشق بھی تم نے کیا ہم سے گزارے جیسا

زخم بھی دیتا ہے مرہم بھی وہی بنتا ہے
وہ کنارہ بھی نہیں کرتا ہے کنارےجیسا

زندگی اتنی خسارے میں رہی ہے میری
اب مجھے نفع بھی لگتا ہے خسارے جیسا

تم تو کہتے تھے کہ اچھا ہے زمانہ ہم سے
یہ بتاؤ کہ ملا تم کو کوئی پھر ہمارے جیسا