پیارے بیٹے محمد حاتم طارق کے لئے کے پہلی سالگرہ کے موقع پر۔۔۔
Poet: طارق اقبال حاوی By: Tariq Iqbal Haavi, Lahore
آج کے دن اُترا تھا روشن ستارا
کِیا تُو نے جگمگ، یہ آنگن ہمارا
لوٹائیں ہیں تُو نے، ہمیں کھوئی خوشیاں
بنا گھر میں سب کا، تُو نین تارا
ہو زندگی میں برکت، سدا تیری حاتم
مبارک ہو تم کو، جنم دن تمھارا
۔۔۔۔۔۔۔۔۔۔۔۔۔۔
ممّی پاپا کو تُو نے ہے جینا سکھایا
پڑدادی کو سونے کی سیڑھی چڑھایا
دادا کی آنکھوں کی ٹھنڈک بنا تُو
اک پل نہیں دادی کا، تجھ بن گزارا
ہو زندگی میں برکت، سدا تیری حاتم
مبارک ہو تم کو، جنم دن تمھارا
۔۔۔۔۔۔۔۔۔۔۔۔۔۔
پُھپھو کہے تجھ کو ہیرا و سونا
ہے چاچُو کا اپنے تُو ننھّا کھِلونا
ماموں و خالہ کا مان ہے حاتم
نانی کی بھی تجھ میں، جان ہے حاتم
تُوہے سبھی کا راج دُلارا
۔۔۔۔۔۔۔۔۔۔۔۔۔۔
ہو زندگی میں برکت، سدا تیری حاتم
مبارک ہو تم کو، جنم دن تمھارا
رحمتیں میرے ربّ کی، سدا تجھ پہ برسیں
خود خوشیاں تجھ سے، مِلنے کو ترسیں
خُدا منور کرے، تیرے ذہن و قلب کو
ہو کاملِ ایماں پیکر تمھارا
ہو زندگی میں برکت، سدا تیری حاتم
مبارک ہو تم کو، جنم دن تمھارا
تمہیں یہ روشنیوں کی گھڑی مبارک ہو
سجا ہے جشنِ تمنا کا کارواں دل میں
تمہیں یہ سالگرہ کی خوشی مبارک ہو
مہک اُٹھا ہے فلک، مسکرائی ہے دھرتی
فضا میں گھل گئی ہر تازگی مبارک ہو
کھِلے ہیں پھول نئے، گنگنا رہی ہے صبا
تمہیں یہ نغمگی، یہ شاعری مبارک ہو
فلک سے اترے دعا، چوم لے تمہیں آ کر
تمہیں یہ رب کی عطا، بندگی مبارک ہو
محبتوں کی گھٹائیں برس رہی ہیں یہاں
تمہیں یہ چاہتوں کی روشنی مبارک ہو
تری نگاہوں میں بستی رہے بہاروں کی لو
تمہیں یہ لمس بھری دلکشی مبارک ہو
ہے قلبِ عادلؔ میں یہ تمنا عرصے سے
تمہیں یہ ہنستی ہوئی زندگی مبارک ہو
