څومره په زړۀ کښې ارمانــــونه لرم

څومره په زړۀ کښې ارمانــــونه لرم
يو ستا نظر ته ټول کارونــــــه لـرم

د اوښکو هر څاڅکے قطــــره ده زړۀ
پکښې بې شماره حسرتونه لــرم

له خولې مې څه غواړې سرې سترګې پوښته
پکښـــې زنګـين رنګـين ســــوالونــــه لــــرم

د چا د يو موسکي نظـــر پــه طمعه
تمنـــاګانــې دفتــرونـــه لــــرم

توښــــه د ديـن او د دنيـــا خــټکه
په زخمي زړۀ سوي داغونه لــــرم