کوئی کیسی تڑپ میں رہتا ہے

کوئی کیسی تڑپ میں رہتا ہے
کوئی کیسی اذیت سہتا ہے

کسی کو کیا معلوم کہ کوئی
کیا کیا صدمے سہتا ہے

ہر کوئی اپنی دھن میں مگن ہے
ہر کوئی اپنی لگن میں مگن ہے

کوئی کیا جانے اس دنیا میں
کس حال میں کوئی رہتا ہے

تم اپنی دنیا میں رہتے ہو
ہم اپنے آپ میں رہتے ہیں

سب اپنی دنیا میں گم ہیں
یہ سب تو ہوتا رہتا ہے

کہیں آنسو ہیں کہیں آہیں ہیں
کہیں مسرور نگاہیں ہیں

آنا جانا کھونا پانا
ہنسنا رونا تو رہتا ہے

یہ دنیا ہے اس دنیا میں
دنیا داری کے چکر ہیں

دنیا داری کے چکر میں
یہ سب تو ہوتا رہتا ہے

کوئی کیسی تڑپ میں رہتا ہے
کوئی کیسی اذیت سہتا ہے

کسی کو کیا معلوم کہ کوئی
کیا کیا صدمے سہتا ہے